ҚР Президент орталығының көрме залында Семей ядролық сынақ полигонының жабылғанына 35 жыл және Олжас Сүлейменовтің 90 жылдығына арналған «Полигон үнсіз қалғанда: тарихты өзгерткен сөз» көрмесі өтуде.
Президент орталығының көрме залы — еліміздің шежіресіндегі маңызды тарихи белестерге арналған көрмелер мен іс-шаралар өтетін бірегей алаң. Қазақстанның тарихи-мәдени мұрасын сақтау және пайымдау тұжырымдамасымен біріктірілген жобалар ерекше орын алады: «Тәуелсіздіктің мәдени коды», «Мәдениет арқылы диалог», «Қазақстан жолы». Осы жобалар аясында әр жылдары Қазақстанның мемлекеттік егемендігі туралы декларацияның 35 жылдығына, Ұлы Отан соғысындағы Жеңістің 80 жылдығына арналған көрмелер, сондай-ақ белгілі қазақстандық суретшілер Кәміл Муллашевтың, Нелли Бубэнің, Қазақбай Әжібековтің, Денис Макенұлының және отандық өнердің басқа да өкілдерінің вернисаждары өтті.
Зал жұмысының маңызды бағыты — халықаралық мәдени диалогты дамыту. Шетелдік ұйымдар мен дипломатиялық миссиялардың қатысуымен жүзеге асырылған бірлескен көркем жобалар мен халықаралық көрмелер мәдени алмасу кеңістігін кеңейтіп, Қазақстанды диалог пен өзара іс-қимылға ашық мемлекет ретінде танытуға мүмкіндік береді. Мұндай жобалардың қатарында қазақстандық суретші Али Ақжан мен аустриялық суретші Флориан Эснердің бірлескен көрмесі, Корей мәдени орталығының қатысуымен өткен «Корей шаманизмі» фотокөрмесі, БҰҰ-ның Қазақстандағы өкілдігімен бірлесіп дайындалған «Бейбітшілік жолындағы өзара іс-қимыл» көрмесі және басқалары бар.
Жобалардың алуандығы тарих пен қазіргі заман, ұлттық дәстүр мен әлемдік мәдениет мазмұнды диалогқа түсетін көрме кеңістігінің ерекше ахуалын қалыптастырады. Мұнда көрнекі ландшафт өзгеріп, жаңа есімдер мен идеялар пайда болады, ал өнер Қазақстанның тарихи жолын, Тәуелсіздік құндылықтарын және қазіргі мәдени үдерісті пайымдау құралына айналады.
Жұмыс күніДемалысБүгінАғымдағы көрмеАлдағы көрменің анонсы
Семей ядролық сынақ полигонының жабылғанына 35 жыл және Олжас Сүлейменовтің 90 жылдығына арналған «Полигон үнсіз қалғанда: тарихты өзгерткен сөз» көрмесі.Семей ядролық сынақ полигонының жабылғанына 35 жыл және Олжас Сүлейменовтің 90 жылдығына арналған «Полигон үнсіз қалғанда: тарихты өзгерткен сөз» көрмесі.
Өтінімді толтырмас бұрын экскурсияларды ұйымдастыру шарттарымен және Қазақстан Республикасы Президент орталығына келу ережесімен танысыңыз
Көрме залы бойынша экскурсияларды ұйымдастыру шарттары
Экскурсиялар тегін өткізіледі және 10–25 адамнан тұратын топтар үшін ұйымдастырылады.
Экскурсияға қатысушылардың саны өтінімде көрсетілген мәліметке сәйкес болуы тиіс.
Экскурсияға өтінімді жоспарланған келу уақытына дейін кемінде 24 сағат бұрын беру ұсынылады.
Өтінімді рәсімдеу үшін өтініш берушінің байланыс деректерін ұсыну қажет. Ұсынылған деректер өтінімді өңдеу және экскурсияны ұйымдастыру мәселелері бойынша байланысу үшін пайдаланылады.
Топ 15 минуттан артық кешіккен жағдайда, экскурсиялық қызмет көрсетудің белгіленген кестесіне байланысты мұражай экскурсия өткізуден бас тарту құқығын өзіне қалдырады.
Қазақстан Республикасы Президент орталығына келу ережесі
Келушілер міндетті
жеке тексеру рәсімінен өтуге;
Қауіпсіздік қызметінің сұрауы бойынша белгіленген жағдайларда жеке басын куәландыратын құжатты көрсетуге;
кіреберіс аймағында велосипедтерді, роликтерді, самокаттарды, скейтбордтарды және өзге де жүру құралдарын қалдыруға. Балалар арбасымен кіруге рұқсат етіледі. Арбадағы баланың қауіпсіздігі үшін жауапкершілікті ілесіп жүрген адам көтереді;
киім ілгішке сырт киімді, ірі габаритті сөмкелерді (рюкзактар, чемодандар), пакеттерді, қолшатырларды, сусындарды, азық-түлікті және пайдалануы экспонаттар мен жабдыққа зақым келтіруі мүмкін көлемді заттарды тапсыруға;
экскурсия өткізілетін кезде залдарда тыныштық сақтауға;
экспонаттар мен витриналарды ұстамауға және оларға сүйенбеуге;
экспонаттар орналасқан алаңдардың шектегіштерінен аспауға;
жас балаларды қараусыз қалдырмауға;
белгіленген санитариялық-эпидемиологиялық нормаларды сақтауға.
Келуші экспонатқа немесе жабдыққа зақым келтірген жағдайда ақаулық акті жасалады. Келуші өз кінәсінен келтірілген залал үшін материалдық жауапкершілік көтереді.
Келушілердің құқығы бар
экспозиция аймақтарында орналастырылған ақпараттық ресурстарды еркін қарауға;
ұялы құрылғыларға фотоға түсіруге (жарқылсыз);
пікірлер мен ұсыныстар кітабына жазба қалдыруға;
мекеме көрсететін қызмет түрлері туралы қосымша ақпарат сұратуға.
Президент орталығының ғимараты мен экспозиция алаңдарының аумағында тыйым салынады
темекі, соның ішінде электрондық темекі шегуге;
қоқыс тастауға;
алкогольдік, есірткілік немесе өзге де масаң күйде болуға;
спирттік ішімдіктер алып өтуге;
атыс және суық қаруды, шаншитын және кесетін заттарды алып өтуге;
жарылыс қаупі бар, өрт қаупі бар және тез тұтанатын заттарды, улағыш және күйдіргіш заттарды алып өтуге;
экспозиция аймақтарында тамақтануға және сусын ішуге;
жануарлармен өтуге;
баспа жарнама өнімдерін жапсыруға және таратуға;
экскурсоводтың сөзін бөлуге және экскурсия өткізуге кедергі келтіруге;
қатты сөйлеуге және айқайлауға;
алдын ала келісімсіз арнайы жабдықты пайдаланып кәсіби фото және бейнетүсірілім жүргізуге;
алдын ала келісімсіз нысан аумағына көлік құралдарымен кіруге;
ғимараттың қызметтік аймақтарына өтуге.
Қызмет көрсетуден мына жағдайларда бас тартылуы мүмкін
егер қызмет көрсетуге арналған сұрау (өтінім) мекеменің бейініне, қолда бар экспозициялар мен көрмелер тізбесіне сәйкес келмесе;
егер қызмет көрсетуге сұрау мекеменің жұмыс кестесіне қайшы келсе (келуге жабық күндер мен сағаттарда);
мекемедегі мінез-құлық ережелері бұзылған кезде;
алкогольдік, есірткілік немесе өзге де масаң күйдегі келушілерге;
ересектердің ілесуінсіз 7 жасқа дейінгі балаларға;
мекемеде реставрациялық, қайта экспозициялау немесе жөндеу жұмыстары жүргізілген жағдайларда;
төтенше немесе күтпеген жағдайларда (электр энергиясының, сумен жабдықтаудың өшірілуі, өрт қаупінің туындауы, эпидемиологиялық жағдайдың өзгеруі, санитариялық-дезинфекциялық режимнің енгізілуі және т.б.).
Осы Ережені бұзу, сондай-ақ Президент орталығының мүлкіне зиян келтіру Қазақстан Республикасының заңнамасына сәйкес белгіленген тәртіппен жауапкершілікке тартуға негіз болуы мүмкін.
Өтінім Ережемен келісу расталғаннан кейін ғана қабылданады.
Топ санатын таңдаңыз
Келушілер саны
Барлығы:0келуші
Экскурсиялар 10 адамнан бастап топтар үшін ұйымдастырылады.
⚠ Келушілердің рұқсат етілген саны асып кетті
Бір топта 25 адамнан артық болмауы тиіс. Келесі қадамға өту үшін келушілер санын азайтыңыз.
